Опубликовано: 6 лет назад

РИКА ТВ
подписчиков: 92 тыс.

Үш жыл бойы бірге тұрған күйеуін балталап өлтірген Надежда Косовановаға қатысты бүгін сот үкімі шықты. Ол күйеуін алдымен балғамен, кейін балтамен аямай ұрған. Жансыз жатқан денені көрген сәтте өзі жедел жәрдем шақырып, полицияға хабар берген. 32 жастағы Надежда еш жерде жұмыс істемеген. Ал Есімхан Досниязов Кеңқияқ ауылындағы отбасынан ажырасып кеткен соң қалаға келіп, бірнеше әйелмен бас қосқан. Сөйтіп алты әйелмен жұбы жараспай, соңғы жылдары осы Надеждамен бірге жақсылы-жаманды өмір кешті. Үнемі ішімдік ішкен бұл отбасынан жанжал арылмаған. Сондай күндердің бірінде осы отбасыға Александр Загулин келіп, дастархандас болады. Сол кезде ол Надежданы сүйіп алған. Қызғаныштан туған жанжал соңы төбелеске ұласты. Сәтін пайдаланған сотталушы өшігіп, Досниязовты итеріп жібереді. Кейін қасақана балтамен ұрып құлатқан. Сол жерде оның бірнеше қабырғасы сынады. Мұнымен іс бітпеді. Надежда кейін оны балтамен ұрған. Айта кетейік, Надежда Косованованың екі баласы бар. Бірақ, ол осы оқиғаға байланысты ата-аналық құқығынан айырылды. Ал қаза болған Досниязовтың артында төрт баласы қалған. Досниязов сүйіктісі Надеждадан 24 жас үлкен. Екеуінде ортақ бала жоқ.